Bakıda gecə ərzində 2 yol-nəqliyyat hadisəsi qeydə alınıb. Bu haqda APA xəbər verib.
Paytaxtın Nərimanov rayonu, Atatürk və Ziya Bünyadov prospektlərinin kəsişməsində sürücüsünün şəxsiyyəti naməlum olan “BMW” markalı nəqliyyat vasitəsi işıqforla tənzimlənən yol kəsişməsindən keçərkən, “Toyota” və “Hyundai”-a çırpılıb. Nəticədə 2 nəfər xəsarət alıb.
Yasamal rayonunun Abbas Mirzə Şərifzadə küçəsində kəsişmədə olan “VAZ-21099” markalı avtomobil yolu keçərkən, “Mercedes” markalı maşın ona çırpılıb. Hadisə nəticəsində “VAZ”-ın sürücüsü xəsarət alıb.
Yaralıya ilkin tibbi müayinə göstərilib.
