Bakının Səbail rayonu, Ş.Allahverdiyev küçəsində yerləşən köşkdən yanvarın 13-də oğurluq olub. Şübhəli bilinən şəxs saxlanılıb. Bu haqda bu gün, 19 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata əsasən, köşkdən 300 manat pul, tütün məmulatı və 1700 manat dəyərində lotereya biletləri oğurlanıb. Səbail RPİ 8-ci Polis Bölməsi əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini Vaqif Əliyev saxlanılıb.
Faktla bağlı araşdırma aparılır.
