Bakının Nərimanov rayonunda oğurluq edən şəxs saxlanılıb. Bu haqda bu gün, 20 yanvar tarixində 1News Daxili İşlər Nazirliyinin mətbuat xidmətinə istinadən məlumat verib.
Yanvarın 17-də Nərimanov RPİ 16-cı polis bölməsinə Xan Şuşinski küçəsindəki evlərin birindən elektrik qutusunun və liftin mühərrikinin oğurlanması barədə məlumat daxil olub.
Keçirilən əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini E.Əkbərov müəyyən edilərək saxlanılıb.
Faktla bağlı araşdırma aparılır.
