Bakının Nərimanov rayonunda bir neçə gün əvvəl piyadanın xəsərət alması ilə nəticələnən yol-nəqliyyat hadisəsi baş verib. Sürücü hadisə yerindən yayınıb. Bu haqda bu gün, 3 fevral tarixində Qafqazinfo məlumat verib.
Verilən məlumata görə, bloger Səbinə Kətanova ona məxsus “Toyota Prado” markalı minik avtomobilini idarə edərkən yolu keçən piyada Faiq Quliyevi (şərti) vurub və ərazidən uzaqlaşıb.
Sürücü barəsində “Avtomobillə ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olma” və “Yol nəqliyyat hadisəsi yerindən qaçma” maddələri ilə cinayət işi açılıb. Cinayət işinə Nərimanov Rayon Məhkəməsində baxılır.
