Paytaxtın Yasamal rayonunda yerləşən məscidlərinn birində müxtəlif vaxtlarda bir neçə nəzir qutusu oğurlanıb. Bu haqda bu gün, 10 avqust tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Yasamal RPİ-nin 26-cı Polis Bölməsinin əməkdaşları tərəfindən həyata keçirilən əməliyyat-axtarış tədbiri nəticəsində qeyd edilən hadisələri törətməkdə şübhəli bilinən 34 yaşlı əvvəllər dəfələrlə məhkum olunmuş paytaxt sakini Əli Novruzov saxlanılıb.
Araşdırmalar zamanı həmin qutuların içərisində ümumilikdə 13.000 manatdan artıq pul olduğu məlum olub.
Toplanılan materiallar Yasamal rayon Polis İdarəsinin İstintaq Şöbəsinə göndərilib. Əli Novruzovun qanunsuz əməllərindən zərər çəkənlər Daxili İşlər Nazirliyinə müraciət edə bilərlər.
