Bakı şəhəri, Nərimanov rayonu, F.Yusifov küçəsində yerləşən çoxmərtəbəli yaşayış binasında yanğın baş verib. Bir nəfər xilas olunub. Bu haqda bu gün, 1 iyun tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə onaltımərtəbəli yaşayış binasının 5-ci mərtəbəsində yerləşən mənzilin mətbəxində başlayıb. Hadisə yerinə FHN-in əməkdaşları cəlb olunublar.
Alışma zamanı mənzilin mətbəxində paltaryuyan maşın və mətbəx mebeli qismən yanıb.
Yanğının digər otaqlara keçməsinin qarşısı alınıb, mənzilin böyük hissəsi yanğından mühafizə olunub.
Mənzildə olan qadına xilasedicilər tərəfindən ilkin yardım göstərilib və o, təcili tibbi yardım briqadasına təhvil verilib.
