Bakıda piyadaların xəsarət alması ilə nəticələnən yol-nəqliyyat hadisələri qeydə alınıb.
Report-un verdiyi məlumata əsasən, paytaxtın Nizami rayonu, “Koroğlu” metro stansiyasının yaxınlığında yolu keçmək istəyən 30 yaşlı Şəhriyar Hüseynovu avtomobil vurub. Xəstəxanaya çatdırılan yaralıya sağ diz qapağının açıq sınığı diaqnozu qoyulub.
APA xəbər verib ki, Yasamal rayonu, "Qurd Qapısı" kimi tanınan ərazidə 21 yaşlı Valeh Ələkbərov yolun piyada üçün müəyyən edilməmiş hissəsindən keçərkən onu minik avtomobili vurub. Yaralı xəstəxanaya yerləşdirilib.
Hər iki faktla bağlı araşdırma aparılır.
