Bakıda stilisti qətlə yetirməkdə təqsirləndirilən Pərviz Həsənovun cinayət işi üzrə məhkəmənin hazırlıq iclası keçirilib. Bu haqda bu gün, 18 iyul tarixində Report məlumat verib.
Cinayət işi Bakı Ağır Cinayətlər Məhkəməsinin hakimi İlham Mahmudov tərəfindən baxılır.
Məhkəmənin baxış iclası 26 iyul tarixində baş tutacaq.
Daha öncə, 14 mart tarixində məlum olub ki, paytaxtın Xətai rayonunda şəxsi münasibətlər zəminində aralarında yaranmış münaqişə zamanı 34 yaşlı Orxan Seyidovu bıçaqlayaraq öldürməkdə şübhəli bilinən 23 yaşlı Pərviz Həsənov polis tərəfindən saxlanılmışdır.
