Bakıda qanunsuz narkotik satışı ilə məşğul olan şəxs saxlanılıb. Bu haqda BakuPlus.az Daxili İşlər Nazirliyinə istinadən bu gün, 24 fevral tarixində xəbər verir.
Paytaxtın Nizami rayonunda narkotik vasitələrin qanunsuz dövriyyəsinə qarşı keçirilən əməliyyat zamanı paytaxt sakini Orxan Məmmədov saxlanılıb. Onun əlindəki bağlamadan 3 kiloqram narkotik vasitə olan marixuana aşkar edilib.
Əlavə olaraq, rayon ərazisində binalardan birinin girişində su sayğacının işərisində gizlətdiyi 60 qram narkotik vasitə də aşkar olunaraq götürülüb.
Araşdırma zamanı məlum olub ki, Orxan Məmmədov narkotik vasitələri onlayn formada, xarici ölkələrdə yaşayan narkotacirlərdən biri tərəfindən əldə edib.
Faktla bağlı Cinayət Məcəlləsinin müvafiq maddəsi ilə cinayət işi başlanılıb.
[caption id="attachment_34721" align="alignnone" width="800"] Foto Daxili İşlər Nazirliyinin rəsmi Youtube kanalı[/caption]
