Bakıda məcburi köçkünlərin yaşadığı ərazidə yanğın hadisəsi qeydə alınıb. Bu haqda BakuPlus 21 yanvar tarixində Fövqəladə Hallar Nazirliyinə istinadən xəbər verir.
Paytaxtın Qaradağ rayonunda fəaliyyət göstərməyən uşaq bağçasının ərazisində ümumi sahəsi 500 kv.m olan, taxta konstruksiyalardan ibarət, məcburi köçkünlərin yaşadığı bir-birinə bitişik özbaşına tikililər 140 kv.m sahədə yanıb.
Hadisə yerinə FHN-nin Yanğından Mühafizə Xidmətinin yanğından mühafizə bölmələri cəlb olunub.
Yanğının söndürülməsi nəticəsində yayılmasının qarşısı alınıb və bitişik tikililər yanğından mühafizə olunub.
