Bakıda xüsusi amansızlıqla insanı öldürməkdə təqsirləndirilən Elmar Hüseynovun cinayət işi üzrə məhkəmə prosesi başa çatıb. Hüseynov 19 il müddətinə azadlıqdan məhrum edilib. Bu haqda bu gün, 16 fevral tarixində Report məlumat verib.
Hökm Bakı Ağır Cinayətlər Məhkəməsinin hakimi Eldar İsmayılovun sədrliyi ilə keçirilən məhkəmə iclasında oxunub.
Hadisə 2020-ci ilin sentyabrında paytaxtın Nərimanov rayonunda baş vermişdir. Qətlə yetirilən polis polkovniki Tahir Tağıyev uzun müddət daxili işlər orqanlarında işləmişdir. Bir neçə il əvvəl o, xidmətdə olmanın son yaş həddinə çatdığı üçün təqaüdə çıxmışdır. Qeyd olunur ki, mərhum T.Tağıyev Xətai rayonunun sabiq prokuroru Yusif İldırımzadənin qohumu idi.
