Paytaxtın Nərimanov rayonu, Nazim Hacıyev küçəsi, 34 ünvanında yanğınsöndürən maşın məhəlləyə girə bilməyib. Bu haqda bu gün, 20 fevral tarixində Bakuplus.az Fövqəladə Hallar Nazirliyinə istinadən xəbər verir.
“Rav” MTK-ya məxsus çoxmərtəbəli yaşayış binasında keçirilən təlim zamanı yanğınsöndürən avtomobil binanın yanında yerləşən su hovuzuna sərbəst yaxınlaşa bilmir. Bundan əlavə, qəza-işıqlandırma sisteminin olmadığı, binanın ilkin yanğınsöndürmə vasitələri ilə tam təmin edilmədiyi, eləcə də siqnalizasiyanın bütün binaya quraşdırılmadığı məlum olub.
Aşkar olunan nöqsanlarla bağlı məsul şəxslərə tapşırıqlar verilib, sakinlərlə maarifləndirici söhbətlər aparılıb.
