Bakının Sabunçu və Nərimanov rayonlarında yol qəzalarında iki piyada xəsarət alıb. Bu haqda bu gün, 5 mart tarixində Report məlumat verib.
63 yaşlı Meşədiağa Hüseynov Maştağa-Buzovna dairəsində yolu keçərkən onu avtomobil vurub. Yaralı müxtəlif xəsarətlərlə xəstəxanaya çatdırılıb.
Daha bir yol-nəqliyyat hadisəsi Nərimanov rayonunun Həsən Əliyev küçəsində qeydə alınıb. Yolu keçən 14 yaşlı Mühəmməd Cəfərovu avtomobil vurub. Hadisə yerinə təcili tibbi yardım briqadası cəlb olunub. Yeniyetmə qapalı kəllə-beyin travması ilə xəstəxanaya çatdırılıb.
Hər iki faktla bağlı araşdırma aparılır.
