Bakı şəhəri, Nəsimi rayonu, Xəqani küçəsində yanğın baş verib. Bu haqda bu gün, 26 yanvar tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə dördmərtəbəli yaşayış binasının 3-cü mərtəbəsində yerləşən ümumi sahəsi 50 kv.m olan ikiotaqlı mənzilin mətbəxində baş verib. Əraziyə dərhal FHN-in əməkdaşları cəlb olunublar.
Yanğın zamanı mətbəxdə olan qabyuyan, paltaryuyan maşın və qaz sobası yanıb. Hadisə zamanı xəsarət alan olmayıb.
