Abşeron rayonu, Müşfiqabad qəsəbəsində avtomobil sürücüsü bıçaqla hədələnib. Bu haqda bu gün, 14 noyabr tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata əsasən, noyabrın 12-də saat 23:00 radələrində “Opel” markalı avtomobildə sərnişinin sürücünü kəsici alətlə hədələyərək içərisində mobil telefonu olan pulqabısını talayıb.
Abşeron Rayon Polis İdarəsi əməkdaşlarının keçirdikləri tədbirlər nəticəsində quldurluq əməlini törətməkdə şübhəli bilinən Bakı şəhər sakini, 44 yaşlı Kənan Məmmədov saxlanılıb.
Faktla bağlı araşdırma aparılır.
