Bakı sakinini qaçıran şəxslər saxlanılıb. Bu haqda 4 iyul tarixində Report məlumat verib.
Nizami rayon sakini polisə müraciət edərək bildirib ki, onun telefonuna şantaj mesajı gelib. Mesajda bildirilib ki, onun qardaşı oğurlanıb və buraxılması üçün 500 manat pul tələb olunub.
Polis əməkdaşlarının keçirdikləri təxirəsalınmaz tədbirlər nəticəsində onun qardaşının Ağstafa rayon sakini, əvvəllər məhkum olunmuş H.Muradov və Cəbrayıl rayon sakini Ə.Həsənov tərəfindən oğurlanması müəyyən olunub.
Faktla bağlı Cinayət Məcəlləsinin “Adam oğurluğu” maddəsi ilə cinayət işi başlanılıb.
