Respublika ərazisində vətəndaşlara məxsus bank kartlarından dələduzluq yolu ilə pul oğurlayan şəxs Qubada saxlanılıb. Bu haqda bu gün, 17 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Bakı şəhər sakini Asif Səmədov Quba Rayon Polis Şöbəsinin Kibercinayətkarlıqla Mübarizə qrupunun əməkdaşları tərəfindən daxil olan məlumat əsasında keçirilən əməliyyat-axtarış tədbirləri zamanı saxlanılıb.
O, özgənin əmlakını talamaq məqsədilə uzun müddət ərzində vətəndaşların pullarını müxtəlif üsullarla mənimsəyib, özgənin bank kartlarının kodlarını əldə edib. Həmin şəxs ifadəsində dələduzluq əməllərini etiraf edib.
Səmədov əvvəllər də analoji əməllərə görə cinayət məsuliyyətinə cəlb edilib. Faktla bağlı cinayət işi açılıb, araşdırma aparılır.
