Paytaxtın Səbail rayonu, Bayıl qəsəbəsində restoran əməkdaşları quşları tüfənglə vururlar. Bu haqda bu gün, 9 fevral tarixində Bakuplus.az Qafqazinfo-ya istinadən xəbər verir.
Adıçəkilən qəsəbədə yerləşən “Glazed” restoranı əməkdaşlarının iaşə obyektindən göyərçinlərə atəş açdıqları barədə polisə müraciət olunub.
Aparılan yoxlama zamanı restoranda obyektin sahibi Dilsuz Əliyevə məxsus “Kral Air Rifle Kal” markalı tüfəng tapılıb. Atəşi isə restoranın inzibatçısı, 33 yaşlı Cəlil Rəhimovun açdığı məlum olub.
Onlar silahın istifadəyə yararsız tir tüfəngi olduğunu bildiriblər. Faktla bağlı araşdırmalar davam edir.
