Bakı şəhəri, Binəqədi rayonu, Süleyman Sani Axundov küçəsində üçmərtəbəli ticarət mərkəzində gecə saatlarında yanğın baş verib. Bu haqda bu gün, 24 noyabr tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Ümumi sahəsi 880 kv.m olan mansard tipli, üç mərtəbə və zirzəmidən ibarət ticarət mərkəzinin taxta konstruksiya və ondulin dam örtüyündən ibarət mansardı 220 kv.m sahədə yanıb.
Hadisə yerinə FHN-in əməkdaşları və 7 təcili tibbi yardım briqadası cəlb olunublar. Altı nəfər (1 qadın daxil olmaqla) xəsarət alıblar. Onlardan 5 nəfər xəstəxanaya aparılıb, bir nəfərə yerində yardım göstərilib.
Kliniki Tibbi Mərkəzə təxliyə olunan 33 yaşlı kişiyə sağ bud nahiyəsinin deşilmiş yarası, 28 yaşlı kişiyə sol çiyin nahiyəsinin deşilmiş yarası, 56 yaşlı kişiyə bud-çanaq nahiyəsinin travması, 39 yaşlı qadına bədənin müxtəlif nahiyələrinin yanığı, sağ qolun travması diaqnozu qoyulub.
Yanıq Mərkəzinə təxliyə olunan 40 yaşlı kişiyə sağ ayağın II-III dərəcəli yanığı diaqnozu qoyulub.
Yanğın söndürülüb, ticarət mərkəzinin böyük hissəsi yanğından mühafizə edilib.
[video width="1920" height="1080" mp4="https://bakuplus.az/storage/photos/2023/11/sequence-01_14.mp4"][/video]
