Binəqədi rayonunda hərbi sursat aşkarlanıb. Bu haqda bu gün, 22 noyabr tarixində Bakuplus.az Fövqəladə Hallar Nazirliyinə istinadən xəbər verir.
Daxil olan məlumata əsasən, əraziyə cəlb olunan əməkdaşlar baxış zamanı 2 ədəd kustar üsulla hazırlanmış partladıcı qurğu, 2 AKM avtomatının darağı, 1 TT tapançasının darağı, 1 Makarov tapançasının darağı, 2 F-1 əl qumbarası, 10 CM-320 siqnal minası, 7 ədəd MUV-1, 180 kapsul detonator, 4 NSP siqnal patronu, 2 siqnal minası, 43 müxtəlif çaplı patron, 1 7.62 mm-lik təlim mərmisi aşkar ediblər.
Sursatlar təhlükəsiz əraziyə aparılıb, daha sonra sahəyə yenidən baxış keçirilib. Ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
