Paytaxt ərazisində bir nəfərdə silah-sursat aşkar edilib. Bu haqda bu gün, 22 iyun tarixində Bakuplus.az Daxili İşlər Nazirliyinin mətbuat xidmətinə istinadən xəbər verir.
Əməliyyat tədbirləri Suraxanı Rayon Polis İdarəsinin əməkdaşları tərəfindən keçirilib. Odlu silah əldə etmə və gəzdirməkdə şübhəli bilinən Sabirabad rayon sakini Rauf Hüseynov Bülbülə qəsəbəsində saxlanılıb.
Tutulan şəxs ifadəsində Binə qəsəbəsində ona məxsus bir ədəd odlu silahı qazaraq torpağa basdırdığını bildirib. Həmin əraziyə baxış zamanı 1 ədəd “Kalaşnikov” markalı avtomat və həmin silaha məxsus patron darağı aşkarlanaraq müsadirə olunub.
