“Bravo” supermarketində silahlı hücum: ölən və xəsarət alanların adları məlum olub - VİDEO - FOTO - YENİLƏNİB

15:36 - "Bravo" açıqlama yayıb:

Bu gün səhər saatlarında Xətai rayonunda yerləşən “BRAVO” hipermarketinə edilmiş silahlı hücumla bağlı şəbəkə məlumat yayıb.

“Dərin təəssüf hissi ilə bildiririk ki, 04.03.23 tarixində Xətai rayonu, Əhmədli metrostansiyası yaxınlığında yerləşən BRAVO hipermarketin girişində, müxtəlif banklara məxsus bankomatların və ödəniş terminallarının yerləşdiyi hissədə inkassasiya heyətinə silahlı hücum olub. Hadisə nəticəsində bir nəfər vəfat edib, iki nəfər yaralanıb.

Baş vermiş insidentlə bağlı Baş Prokurorluq tərəfindən hadisə yerində araşdırma aparılır.

Bu səbəbdən Əhmədli metro stansiyası yaxınlığında yerləşən BRAVO hipermarket müvəqqəti olaraq fəaliyyətini dayandırıb. Hipermarketin iş qrafiki barəsində əlavə məlumat veriləcək.

BRAVO hipermarket hadisədən mənəvi sarsıntı keçirən insanların qayğısına qalır və insidentin araşdırılması ilə bağlı hüquq-mühafizə orqanları ilə sıx əməkdaşlıq edir.

Qeyd edək ki, hadisə nəticəsində Bravo müştəri və əməkdaşlarından xəsarət alan olmayıb.

Qeyd olunan faktla bağlı bütün əlavə məlumatlar Baş Prokurorluğun Mətbuat Xidmətindən ictimaiyyətə təqdim ediləcəkdir.

Hadisədə qətlə yetirilən Həsənov Rüfətin ailəsinə dərin hüznlə başsağlığı verir, yaralananların isə tezliklə sağalmasını diləyirik”.

14:21 - Qatillərin hadisə anındakı fotoları:

Qatillərin hadisə anındakı fotoları:

[caption id="attachment_92883" align="alignnone" width="640"] Bravo-da atışma Foto açıq mənbədən[/caption]

14:12 - Hipermarketdə atışma nəticəsində ölən şəxsin FOTOSU:

Hipermarketdə atışma nəticəsində ölən Həsənov Rüfət Rahib oğlunun FOTOSU

[caption id="attachment_92868" align="alignnone" width="640"] Hipermarketdə atışma nəticəsində ölən Həsənov Rüfət Rahib oğlunun FOTOSU Foto açıq mənbədən[/caption]

13:40 - İnkassatorlara hücum anı:

İnkassatorlara hücum anı:

[video width="640" height="352" mp4="https://bakuplus.az/storage/photos/2023/03/video_2023-03-04_13-39-14.mp4"][/video]

13:25 - Qatilin istifadə etdiyi avtomobili:

[caption id="attachment_92854" align="alignnone" width="640"] Bravo-da atışma

Foto açıq mənbədən Qatilin istifadə etdiyi avtomobili[/caption]

13:20 - Ölən və xəsarət alanların adları məlum olub

Atışma nəticəsində 1 nəfər ölüb, 2 nəfər yaralanıb.

Ölən şəxs Həsənov Rüfət Rahib oğludur. O başından güllələnib.

Yaralananlar isə Samir Ruslan oğlu Şaydayev kürək nahiyyəsindən 2 güllə yarası alıb. Adı açıqlanmayan 1 nəfər isə sağ ciynindən güllələnib. Yaralılar Sabunçu Tibb Mərkəzinə təxliyə edilib.

13:13 - Baş prokurorluq açıqlama verib:

Hadisə ilə bağlı Baş prokurorluq açıqlama verib: "Xətai rayonu ərazisində yerləşən supermarketlərdən birində baş vermiş silahlı insidentlə bağlı hazırda Baş Prokurorluğun İstintaq idarəsi, Kriminalistika şöbəsi və Xətai rayon prokurorluğunun əməkdaşları hadisə yerindədilər.

Qeyd olunan faktla bağlı prokurorluqda araşdırma aparılır. İctimaiyyətə əlavə məlumatın verilməsi təmin ediləcəkdir."

13:07 - "Bravo" -da silahlı hücum olub

Bakının Xətai rayonu, Əhmədli qəsəbəsində yerləşən “Bravo” supermarketində silahlı atışma olub. Bu haqda bu gün, Daxili İşlər Nazirliyi (DİN) məlumat verib.

Hücum inkasator maşınına edilib. İlkin məlumata görə, bir nəfər ölüb, bir nəfər yaralanıb.

Əməli törətməkdə şübhəli bilinən şəxsin, yaxud şəxslərin tutulması istiqamətində tədbirlər görülür. Əlavə məlumat veriləcək.

[video width="480" height="848" mp4="https://bakuplus.az/storage/photos/2023/03/img_5793.mp4"][/video]