11:00 - Yenilənib
Yaralı ailə üzvlərinin vəziyyəti ilə bağlı məlumat əldə olunub. Sabunçu Tibb Mərkəzinə yerləşdirilən 77 yaşlı Şahirə Muradovanın vəziyyəti ağır, 25 yaşlı Elbrus Ağalarovunun vəziyyəti isə orta ağır qiymətləndirilir.
09:52 - Buzovnada ailə üzvləri bıçaqlanaraq öldürülüblər
Bakının Xəzər rayonu, Buzovna qəsəbəsində ailəyə silahlı basqın edilib, iki nəfər öldürülüb, iki nəfər xəsarət alıb. Bu haqda bu gün, 30 noyabr tarixində Bakuplus.az məlumat verir.
Verilən məlumata görə, 29 noyabr tarixində gecə saatlarında naməlum şəxslər 83 yaşlı Elbrus Muradovun evinə girərək onu bıçaqlayaraq öldürüblər. Evdə olan onun həyat yoldaşı, 77 yaşlı Şahirə Muradova, 51 yaşlı oğlu Rahil Muradov və 25 yaşlı Elbrus Ağalarov ağır xəsarətlər alıblar. Hər üç şəxs xəstəxanaya çatdırılıb.
Daha sonra Rahil Muradov aldığı xəsarətlər nəticəsində xəstəxanada dünyasını dəyişib.
Yerli sakinlərin sözlərinə görə, bir müddət əvvəl ev qarət olunub.
Mərhum Elbrus Muradov məsciddə molla işləyirdi.
Polis əməkdaşları tərəfindən cinayəti törətməkdə şübhəli bilinən şəxsin, yaxud şəxslərin müəyyən olunub saxlanılması istiqamətində zəruri əməliyyat-axtarış tədbirləri görülür.
