Bakının Xəzər rayonu, Buzovna qəsəbəsinin sakinləri sahili tikinti materiallarından və villaların hasarlarının qalıqlarından təmizləmək üçün ötən həftəsonu növbəti iməcilik keçiriblər. Təmizlik zamanı villalardan birinin sahibi fəalları oğurluqda ittiham edib. Bu haqda bu gün, 17 oktyabr tarixində Bakuplus.az Caliber.az-a istinadən məlumat verir.
Beləliklə, sakinlər ətrafda səpələnən mişardaşlarından ictimai çimərliyə aparan pilləkən tikdikdən sonra qonşu villalardan birinin sahibi bildirib ki, bu, onun daşlarıdır. Həmin daşlar ərazidə bir ildən çox qaldığına baxmayaraq, vətəndaşa daşlara görə 35 manat (bir daşa 0,50 manat) pul təklif olunub. Lakin o, razılaşmayaraq polisə müraciət edib.
Hadisə yerinə gələn Xəzər Rayon Polis İdarəsinin və Rayon İcra Hakimiyyətinin əməkdaşları məsələni araşdırıblar. Polis əməkdaşları şikayətçini yanlış çağırışa görə polis bölməsinə apararaq ondan izahat alıblar.
[video width="1920" height="1080" mp4="https://bakuplus.az/storage/photos/2023/10/sequence-01.mp4"][/video]
