Bakının Xəzər rayonunun Buzovna qəsəbəsində fərdi yaşayış evində baş vermiş partlayışda xəsarət alan şəxslər vəfat ediblər. Bu haqda bu gün, 24 avqust tarixində Bakuplus.az Report-a istinadən məlumat verir.
25 yaşlı Fərəh Quliyeva və 26 yaşlı qardaşı Toğrul Quliyev aldıqları yanıq xəsarətlərindən xəstəxanada keçiniblər. Ailənin digər üzvləri xəsarət almayıblar.
Ötən gün 81 yaşlı İmanqulu Quliyevə məxsus ümumi sahəsi 250 kv.m olan ikimərtəbəli fərdi yaşayış evinin 1-ci mərtəbəsində partlayış baş verib. İlkin araşdırmalara görə, hadisə qaz sızmasından baş verib.
