Bakının Qaradağ rayonunun Səngəçal qəsəbəsinin ərazisində Dövlət Sərhəd Xidmətinin (DSX) hərbi hissəsinin yaxınlığında avtomobil yanıb. Bu haqda bu gün, 27 yanvar tarixində Bakuplus.az DSX-nin Mətbuat Xidmətinə istinadən məlumat verir.
Hadisə yanvarın 25-də saat 09:22 radalərində baş verib. Aslan Bədəlova məxsus olan “Peugeot” markalı avtomobil naməlum səbəbdən alışıb.
Hadisə hərbi hissədə xidmət aparan hərbi qulluqçular tərəfindən müşahidə kameraları vasitəsilə görülüb və bu barədə dərhal Fövqəladə Hallar Nazirliyinin “112” qaynar xəttinə məlumat verilib. Eyni zamanda hərbi hissənin yanğınsöndürmə avtomobili heyəti ilə birlikdə hadisə yerinə cəlb olunub.
FHN və DSX əməkdaşları ilə birlikdə görülmüş tədbirlər nəticəsində avtomobil qısa müddətdə söndürülüb. Xəsarət alan olmayıb.
