İçərişəhər metro stansiyasının qarşısında Hacı Zeynalabdin Tağıyevin heykəlinə zərər yetirən şəxslər saxlanılıb. Bu haqda DİN Mətbuat Xidmətinin KİV və ictimaiyyətlə əlaqələr şöbəsinin rəisi polis mayoru Elşad Hacıyev məlumat yayıb.
Hadisə Səbail rayonunda baş verib. Naməlum şəxslər dünən açılışı olmuş Hacı Zeynalabdin Tağıyevin heykəlinin zədələnməsinə səbəb olmuşdur.
Həmin şəxslər polis tərəfindən gecə ilə müəyyən olunaraq saxlanılıb.
Heykəlin qoparılan elementi heykəltaraşın iştirakı ilə yerinə bərpa edilib.
