Nəsimi rayonunda Heydər Əliyevin anadan olmasının 101 illiyi ilə əlaqədar ağacəkmə aksiyası baş tutub. Bu haqda bu gün, 10 may tarixində Bakuplus.az rayon İcra Hakimiyyətinə istinadən xəbər verir.
Ümummilli liderin anadan olmasının 101-ci ildönümü münasibətilə və “Yaşıl dünya naminə həmrəylik ili” çərçivəsində Vaqif prospektində yerləşən parkın ərazisində və yaşıllıq zolaqlarında 200-ə qədər şam ağacı, rayonun Mir Cəlal küçəsində yerləşən parkda isə 500-ə qədər mövsümi gül-çiçəklər əkilib. Eləcə də aksiya zamanı rayon ərazisində abadlıq işləri aparılaraq, 5000-ə yaxın ağaclara da aqrotexniki qulluq göstərilib.
Aksiyada Nəsimi rayon İcra Hakimiyyətinin nümayəndələri, rayon qurumlarının rəhbərləri, həmçinin rayon ictimaiyyətinin nümayəndələri iştirak ediblər.
[caption id="attachment_137727" align="alignnone" width="640"]
Foto Bakkı ŞİH[/caption]
