Bakının Sabunçu rayonu, Kürdəxanı qəsəbəsi, Meyvə ting sovxozunda çirkab sular küçələrə axır. Bu haqda bu gün, 24 fevral tarixində Bakuplus.az ATV Show-ya istinadən xəbər verir.
Sakinlərin sözlərinə görə, ərazidə kanalizasiya xətti olmadığına görə bütün sular şambolarda yığılıb daşır, ətrafı palçıq və üfunət bürüyür.
“Burada heç kim piyada gəzə bilmir. Uşaqları məktəblərə ancaq maşınlarla aparıb-gətiririk. Qonşularla 20 manatdan yığırığ ki, şamboları boşaldaq, maşın getməmiş su yenidən dolur”, – deyə sakinlər şikayət edirlər.
Sakinlər problemin bu il 2-ci dəfə qar yağdıqdan sonra kəskinləşdiyini qeyd ediblər.
Kürdəxanı qəsəbəsi üzrə nümayəndə Ruhin Orucov “Azərsu”ya müraciət edilməli olduğunu bildirib.
“Azərsu” ASC-dən isə vurğulanıb ki, sözügedən ərazidə kanalizasiya şəbəkəsinin qurulması gələcək zamanda baş planda nəzərdə tutulub.
