Bakının Nizami rayonu, Keşlə qəsəbəsində oğurluqlarda şübhəli bilinən şəxslər saxlanılıblar. Bu haqda bu gün, 24 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, iyulun 12-də Keşlə qəsəbəsi ərazisində “Kia” markalı bir avtomobildən pul, 2 ədəd mobil telefon və sənəd, iyulun 21-də M.Ağayev küçəsində “Ravon” markalı avtomobildən pul və mobil telefon, iyulun 22-də paytaxt sakini A.Quliyevin mobil telefonu oğurlanıb.
Nizami RPİ 23-cü Polis Bölməsi əməkdaşlarının keçirdikləri əməliyyat tədbiri nəticəsində əməlləri törətməkdə şübhəli bilinən Bakı şəhər sakinləri Y.Şirəliyev, F.Hacıyev və Bərdə rayon sakini H.Əliyev saxlanılıblar. Araşdırma aparılır.
