Paytaxtın Nizami rayonu, Keşlə qəsəbəsində yerləşən “Kəpəz” adlı motel-kafedə əxlaqsızlıq yuvası quran qadının məhkəmə prosesi başa çatıb. Bu haqda bu gün, 10 oktyabr tarixində Bakuplus.az Qafqazinfo-ya istinadən məlumat verir.
Məhkəmənin hökmünə əsasən, ona qazancının 10 faizi dövlət nəfinə tutulmaqla 2 il islah işləri cəzası verilib.
Bu ilin may ayında Nizami RPİ əməkdaşlarının keçirdikləri əməliyyat tədbirləri nəticəsində kafenin icarədarı Şəfiqə Rüstəmova və orada olan şəxslər saxlanılıblar. Saxlanılan şəxslər izahat alındıqdan sonra sərbəst buraxılıblar, icarədara qarşı “Əxlaqsızlıq yuvası təşkil etmə və saxlama” maddəsi ilə cinayət işi açılıb.
Cinayət işinin materialları bir neçə gün əvvəl Nizami Rayon Məhkəməsinə göndərilib. 50 yaşlı Şəfiqə Rüstəmova məhkəmədə bildirib ki, ikimərtəbəli binanın 1-ci mərtəbəsi kafe, 2-ci mərtəbəsi isə motel kimi istifadə olunub. O, fahişəliklə məşğul olan şəxslərə motel otaqlarını 12-15 manata kirayə verirdi.
