Yol qəzasında dünyasını dəyişən Arif Acaloğlu sabah dəfn olunacaq. Bu haqda bu gün, 16 noyabr tarixində Bakuplus.az Report-a istinadən məlumat verib.
Dəfn mərasimi Maştağa rayonunun Kəpənəkçi qəbiristanlığında olacaq.
14:40 - Kliniki Tibbi Mərkəzin şöbə müdiri məşhur alimi vuraraq öldürüb
Ötən gün Bakının Sabunçu rayonunda baş vermiş yol qəzasında məşhur alim professor Arif Acaloğlu həlak olub. Bu haqda bu gün, 16 noyabr tarixində Bakuplus.az məlumat verir.
"Mercedes" markalı avtomobili idarə edən Azər Maqsudov piyadalar üçün nəzərdə tutulmayan hissəsindən yolu keçən Acaloğlunu vurub. Sürücü piyadanı 3 saylı şəhər Kliniki Xəstəxanasına aparsa da, Acaloğlu orada dünyasını dəyişib.
Bildirilir ki, İstanbul Mərmərə Universitetinin müəllimi Arif Acaloğlu Azərbaycan Milli Elmlər Akademiyasının (AMEA) dəvəti ilə konfransda iştirak üçün Bakıya gəlib.
Sükanın arxasında olan Azər Maqsudov Kliniki Tibbi Mərkəzin (KTM) Toksikologiya şöbəsinin müdiridir.
Faktla bağlı Sabunçu rayon Polis İdarəsində cinayət işi başlanıb, araşdırma aparılır.
