Bakınınn Nizami rayonu, “Koroğlu” metro stansiyasının yaxınlığında küçə ticarəti köşkləri yığışdırılıb. Bu haqda bu gün, 20 yanvar tarixində Bakuplus.az İctimai TV-yə istinadən xəbər verir.
Sözügedən ərazidə bir neçə gün avvəl köşklər və yanlarında sıra ilə düzülən soyuducular götürülüb. Məsələ ilə bağlı sakinlər müxtəlif fikirlər bildiriblər. Bir hissəsi köşklərin vacibliyini vurğulayıb, digərləri isə bu addımı düzgün sayıblar.
Küçə ticarəti ilə məşğul olanlar, adətən, səkilərin böyük hissəsini zəbt edirlər.
“Şəhərin görüntüsü pozulur, keçmək mümkün olmur. Satılan məhsullar da toz içində olur”, – deyə sakinlər öz fikirlərini bildiriblər.
Ekspert Rauf Ağamirzəyevin sözlərinə görə, səkini tam tutan bir köşkün olması və həmin köşkün ətrafında soyuducuların qoyulması düzgün deyil.
“Belə vəziyyət sürücülər üçün də risk yaradır. Çünki səkilər zəbt olunduğundan piyadalar avtomobil yoluna keçirlər, bu da təhlükəli hal yaradır”, – deyə ekspert əlavə edib.
