Bakının Sabunçu rayonu, Ləhiş bağları ərazisində evlərdən oğurluq edilib. Bu haqda bu gün, 2 fevral tarixində Bakuplus.az Daxili İşlər Nazirliyinə (DİN) istinadən xəbər verir.
Polis bölməsinə verilən məlumata əsasən, ərazidə yerləşən 2 evin həyətindən ümumilikdə 13.000 manat dəyərində təmir-tikinti alətləri və məişət əşyaları oğurlanıb.
Sabunçu RPİ 15-ci Polis Bölməsi əməkdaşlarının keçirdikləri tədbirlər nəticəsində əməli törətməkdə şübhəli bilinən Bakı şəhər sakinləri Röyal Vəliyev, Mirəhəd Qasımov, eləcə də Kürdəmir rayon sakini Abuzər Nuriyev saxlanılıblar.
Həmin şəxslər barəsində araşdırmalar aparılır.
