Bakının Qaradağ rayonu, Lökbatan qəsəbəsi ərazisindəki bazarda yerləşən mağazaların birindən oğurluq olub. Bu haqda bu gün, 26 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə iyulun 24-də saat 17:00 radələrində baş verib. Polisə daxil olan məlumata görə, mağazadan 3500 manat dəyərində ərzaq məhsulları oğurlanıb. Oğurluqda şübhəli bilinən Hacıqabul rayon sakini Eyvaz Bağırov Qaradağ Rayon Mühafizə İdarəsinin əməkdaşları tərəfindən saxlanılaraq 10-cu Polis Şöbəsinə təhvil verilib.
Araşdırma zamanı onun həmin gün bazarda yerləşən digər bir mağazadan 500 manat dəyərində təzyiq aparatı və su nasosu oğurlaması da müəyyən olunub.
