Bakının Qaradağ rayonu, Lökbatan qəsəbəsində oğurluq törətməkdə şübhəli bilinən şəxslərdən biri saxlanılıb. Bu haqda bu gün, 26 aprel tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Əməliyyat-axtarış tədbirləri nəticəsində Laçın rayon sakini Z.Abdullazadə saxlanılıb, daha iki nəfərin şəxsiyyəti müəyyən edilib, onların axtarışı davam etdirilir.
Qeyd olunur ki, həmin şəxslər Lökbatan qəsəbəsi ərazisində 4 evdən pul, notbuk, mobil telefon və bəzək əşyaları oğurlamaqda şübhəli bilinirlər.
