Paytaxtın Nəsimi rayonu, Ceyhun Səlimov və Abdulvahab Salamzadə küçələrinin kəsişməsində ağır yol qəzası baş verib. Bu haqda bu gün, 26 aprel tarixində APA məlumat verib.
“Lada Priora” markalı avtomobili idarə edən 22 yaşlı Fərid Heydərli kəsişmədən keçərkən içərisi torpaqla dolu “KamAZ” markalı yük maşınına çarpılıb. Hadisə nəticəsində “Lada” deformasiyaya uğrayıb.
İçərisində olan sürücü və sərnişinlər - 21 yaşlı Hümmət Atakişiyev, 22 yaşlı Emin Sadıqov müxtəlif bədən xəsarətləri alaraq Kliniki Tibbi Mərkəzə yerləşdiriliblər. Onların vəziyyəti ağırdır. 21 yaşlı Pərviz Cəfərov aldığı xəsarətlərdən yerindəcə keçinib.
Hadisə yerinə Nəsimi Rayon Polis İdarəsinin və Yol Polisi Şöbəsinin əməkdaşları cəlb ediliblər. “KamAZ” markalı yük maşınının sürücüsü - 31 yaşlı Hüseyn İsmayılovun izahatı alınıb.
Faktla bağlı cinayət işi başlanıb.
[caption id="attachment_98409" align="alignnone" width="640"]
Foto Apa.az saytı[/caption]
