Bakının və ölkənin müxtəlif rayonlarının sakinləri könüllü olaraq polisə silah-sursat təhvil veriblər. Bu haqda bu gün, 6 noyabr tarixində Bakuplus.az Daxili işlər Nazirliyinə (DİN) istinadən xəbər verir.
Noyabrın 4-də və 5-də paytaxtın və respublikanın ayrı-ayrı rayonlarında sakinlər 2 “AK” markalı avtomat, 2 patron darağı,1 qumbara, 3 təlim qumbara alışdırıcısı, 286 müxtəlif çaplı patron və 25 müxtəlif markalı ov tüfəngini polisə təhvil veriblər.
Polisə vaxtında məlumat verdiyinə görə sakinlərə minnətdarlıq bildirilib, onlara qarşı heç bir cəza təhdidi görülməyib.
