Nərimanov rayonunda baş vermiş qətlin təfərrüatları məlum olub. Bu barədə 18 fevral tarixində Azərbaycan Respublikasının Baş Prokurorluğu məlumat verib.
Nərimanov rayonu, Təbriz küçəsində fevralın 18-də saat 01:00 radələrində bir qrup şəxs – bir tərəfdən 32 yaşlı Şahin Bayramov və 30 yaşlı Fərid Əlirzayev, qarşı tərəfdən isə Nurani Məmmədov və digər şəxslər arasında kəsici-deşici alətlərdən istifadə edilməklə dava baş verib. Dava zamanı Şahin Bayramov və Fərid Əlirzayev bıçaqlanaraq aldıqları xəsarətlərdən hadisə yerində ölüblər.
Polisin keçirdiyi tədbirlər nəticəsində Nurani Məmmədov saxlanaraq istintaqa cəlb edilib.
Faktla bağlı Cinayət Məcəlləsinin “İki və ya daha çox şəxsi öldürmə” və “Silah qismində istifadə olunan əşyalar tətbiq etməklə xuliqanlıq etmə” maddələri ilə cinayət işi başlanılıb.
