Paytaxtın Nərimanov rayonu, Akademik Həsən Əliyev küçəsi, 50 ünvanında yerləşən “Hamam” adlı obyekt bağlanıb. Bu haqda bu gün, 4 aprel tarixində Bakuplus.az Fövqəladə Hallar Nazirliyinə istinadən xəbər verir.
Keçirilən yoxlama zamanı məlum olub ki:
- Obyekt qanuna uyğun olaraq icbari qaydada sığortalanmayıb;
- Avtomatik yanğınxəbərverici siqnalizasiya qurğuları tam quraşdırılmayıb;
- Obyektin dəhlizi və otaqların divarları oda davamlı məhlulla hopdurulmayıb;
- Obyekt tüstüyə qarşı müdafiə sistemi ilə təmin edilməyib;
- Obyekt ilkin yanğınsöndürmə vasitələri və odsöndürən balonlarla təmin olunmayıb;
- Təxliyə yolunda qazla işləyən kombi qurğusu quraşdırılıb;
- Açıq sonluqlu, izolyasiya örtüyü zədələnmiş və sıradan çıxmış naqillərdən istifadəyə yol verilib;
Adıçəkilən nöqsanlarla bağlı obyektin fəaliyyəti dayandırılıb, rəhbərlik məsuliyyətə cəlb olunub.
[caption id="attachment_96050" align="alignnone" width="640"]
Foto Fövqəladə Hallar Nazirliyinin rəsmi saytı[/caption]
