Bakıda piyadanı avtomobillə vurub qaçan şəxs saxlanılıb. Bu haqda 5 mart tarixində Bakuplus.az Daxili İşlər Nazirliyinə istinadən məlumat verir.
Nərimanov rayonunda martın 2-də Abşeron rayon sakini Ş.Əhmədovu avtomobil vurub. Yaralı xəstəxanaya yerləşdirilib. Qəza törədən şəxs hadisə yerindən uzaqlaşıb.
Polis əməkdaşlarının keçirdikləri əməliyyat-axtarış tədbirləri nəticəsində hadisə yerindən yayınmış “Volkswagen” markalı avtomobilin sürücüsü, Bakı şəhər sakini L.Rüstəmova saxlanılıb.
Faktla bağlı araşdırma aparılır.
