Nərimanov rayonunda yerləşən ödəmə terminallarının birindən oğurluq edən şəxs saxlanılıb. Bu haqda bu gün, 7 mart tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Naməlum şəxs terminalı sındıraraq oradan 29 min manata yaxın pulu ələ keçirib. Onun əməli təhlükəsizlik kameraları vasitəsilə görüntülənib.
Polis əməkdaşları tərəfindən həyata keçirilən əməliyyat nəticəsində hadisəni törətməkdə şübhəli bilinən Rəşad Süleymanov saxlanılıb. Qeyd edilən faktla bağlı araşdırmalar davam etdirilir.
Onun əməllərindən zərər çəkən başqa vətəndaşlar varsa, ərazi polis orqanlarına, DİN-in “102” Xidməti Zəng Mərkəzinə və nazirliyin sosial şəbəkələrdəki rəsmi səhifələrinə məlumat verə bilərlər.
