Bakının Nəsimi rayonu, Mir Cəlal küçəsində yanğın hadisəsi baş verib. Bu haqda bu gün, 26 fevral tarixində Bakuplus.az xəbər verir.
Alışma beşmərtəbəli yaşayış binasının sonuncu mərtəbəsində qeydə alınıb. Fövqəladə Hallar Nazirliyindən (FHN) verilən məlumata əsasən, ümumi sahəsi 40 kv.m olan 2 otaqlı mənzilin mətbəxində mebel, paltaryuyan maşın və kondisioner yanıb. Həmçinin yüksək temperaturdan eyvanda plastikdən ibarət pəncərə çərçivəsi əriyib.
Əraziyə FHN-in əməkdaşaları cəlb olunublar. Hadisə zamanı 6 sakin təxliyə edilib. Mənzilin qalan hissəsi yanğından mühafizə olunub. Yanğın söndürülüb. Xəsarət alan olmayıb.
[video width="848" height="464" mp4="https://bakuplus.az/storage/photos/2024/02/video_2024-02-26_09-09-57_1.mp4"][/video]
