Paytaxtın Nəsimi rayonunda yerləşən “Moskva” ticarət mərkəzində qızıl-zinət əşyası oğurlanıb. Bu haqda bu gün, 18 iyul tarixində Bakuplus.az Daxili İşlər Nazirliyinə istinadən xəbər verir.
İlqar İmranov baxmaq adı ilə qızıl üzüyü barmağına taxıb. Daha sonra satıcının başının qarışdığından istifadə edərək üzüyü götürüb və ərazidən uzaqlaşıb. Araşdırma zamanı onun Nərimanov rayonunda yerləşən ticarət mərkəzindən də qızıl üzük oğurladığı məlum olub.
Təqsirkarın ümumilikdə 3500 AZN-lik oğurluq etdiyi məlum olub.
“Moskva” Ticarət Mərkəzində daha bir oğurluğun əvvəllər məhkum olunmuş Ayaz Osmanov tərəfindən edildiyi məlum olub. O, 1300 AZN dəyəri olan 1 ədəd brilyant üzük oğurlayıb.
Hər iki şəxs saxlanılıb. Onlar barəsində araşdırmalara başlanılıb.
[caption id="attachment_52967" align="alignnone" width="800"]
Foto Daxili İşlər Nazirliyinin Youtube Kanalı[/caption]
