İyun ayı ərzində Bakının Nəsimi rayonunda 198 ağac və kol qanunsuz olaraq kəsilib. Bu haqda bu gün, 1 iyul tarixində Bakuplus.az Baş Prokurorluğa istinadən məlumat verir.
Yaşıllıq M.Mirqasımov, X.Şuşinski, İ.Qasımov və M.Topçubaşov küçələrinin kəsişməsində məhv edilib. Nəticədə təbiətə 413.000 manatdan artıq ziyan vurulub.
Baş Prokurorluqda Cinayət Məcəlləsinin külli miqdarda ziyan vurmaqla qanunsuz ağac kəsmə və vəzifə səlahiyyətlərindən sui-istifadə maddələri ilə cinayət işi başlanaraq ibtidai istintaq aparılır.
