Bakının Nəsimi rayonunda müxtəlif cinayətlər törədən 4 nəfər saxlanılıb. Bu haqda bu gün, 22 aprel tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşları tərəfindən keçirilən tədbir zamanı Bakı şəhər sakini, əvvəllər məhkum olunmuş 59 yaşlı Rövşən Fətullayev saxlanılıb. Ondan “Kalaşnikov” markalı avtomat, patron darağı və 11 ədəd patron götürülüb.
Dindirmə zamanı məlum olub ki, R.Fətullayev silahı satmaq niyyəti ilə özündə saxlayıb.
Digər əməliyyatlar zamanı isə narkotacirlər – 26 yaşlı Qadir Hüseynov, 57 yaşlı Nazim Əbilov və 45 yaşlı Asif Yaqubəliyev saxlanılıblar. Onlarda ümumilikdə 4 kiloqram heroin, metamfetamin və marixuana aşkarlanıb.
Faktlarla bağlı araşdırmalar davam edir.
[caption id="attachment_135876" align="alignnone" width="640"]
Foto DİN[/caption]
