“Wolt” kuryerləri narkotik dövriyyəsi ilə məşğul olublar. Bu haqda bu gün, 3 fevral tarixində Bakuplus.az Daxili İşlər Nazirliyinə istinadən xəbər verir.
Paytaxtın Səbail rayonunda narkotik alveri ilə məşğul olan 2 nəfər “Wolt” kuryeri saxlanılıb. Onlardan 6 qrama yaxın marixuana aşkar edilib. Onlar narkotik maddələri Ayxan adlı şəxsdən aldıqlarını bildiriblər.
Keçirilən növbəti əməliyyat zamanı Ayxan Məmmədov tutulub. Onun üzərindən 7 qrama yaxın marixuana tapılıb. O isə narkotikləri Məhəmməd adlı şəxsdən aldığını vurğulayıb.
Polis əməkdaşları aldıqları məlumat əsasında əvvəllər dəfələrlə məhkum olunmuş Məhəmməd Hacıyevi tutublar. O, paytaxt ərazisində taksi fəaliyyəti ilə məşğul olur. Axtarış zamanı onun avtomobilindən 5 kiloqramdan artıq marixuana aşkar edilib. M.Hacıyev narkotik maddələri İran vətəndaşından aldığını qeyd edib.
Bundan əlavə, keçirilən silsilə əməliyyatlar nəticəsində narkotik alveri ilə məşğul olan daha 6 nəfər tutulub. Onların birində “Makarov” markalı tapança da aşkar edilib.
Faktlarla bağlı araşdırmalar davam edir.
[caption id="attachment_89396" align="alignnone" width="640"]
Foto Daxili İşlər Nazirliyi[/caption]
