Naxçıvan-Bakı marşrutu ilə hərəkət edən avtobusda narkotik aşkarlanıb. Bu haqda bu gün, 14 noyabr tarixində Bakuplus.az Dövlət Gömrük Komitəsinə istinadən xəbər verir.
Narkotiklər Biləsuvar Gömrük İdarəsində Naxçıvan-Bakı marşrutu üzrə hərəkət edən avtobusdakı sərnişinlərin birində aşkarlanıb. Belə ki, həmin şəxsin ayaqqabılarının içərisindən 205,776 qram metamfetamin, 189,610 qram heroin və 4,93 qram metadon tapılıb.
Faktla bağlı cinayət işi açılıb. Araşdırmalar davam edir.
