Paytaxtın Nizami rayonunda ana və uşaqlarını öldürməkdə şübhəli bilinən şəxs tutulub. Bu haqda bu gün, 21 fevral tarixində Bakuplus.az Daxili İşlər Nazirliyinə istinadən xəbər verir.
Mərhumun bacısının əri olan 41 yaşlı Əhəd Əliyevin qətli pul üstündə törətdiyi ehtimal olunur. Onun evdən oğurladığı pulun bir hissəsi olan 20.000 manat müsadirə edilib.
20 fevral tarixində 39 yaşlı Gülnar Qaraxanova, 14 yaşlı Lamiyə Qaraxanlı və 11 yaşlı Ataxan Qaraxanlı rayon ərazisində kirayə yaşadıqları evdə kəsici-deşici alətlə qətlə yetirilmişdirlər.
Faktla bağlı cinayət işi davam edir.
