Bakıda kafedən pivə çəlləyi oğurlayan şəxs saxlanılıb. Bu haqda 5 oktyabr tarixində BAKU.WS məlumat verib.
Nizami rayonunda 6 sentyabr tarixində C.Naxçıvanski küçəsi, 60 ünvanında yerləşən avtoyuma məntəqəsinin yanındakı kafedən içərisində 52 manatlıq 30 litr pivə olan 170 manat dəyərində pivə çəlləyi, 100 manat dəyərində reduktor və 70 manat dəyərində aşağı reduktor oğurlanıb. Ümumilikdə kafeyə 392 manat məbləğində maddi ziyan dəyib.
Polis əməkdaşlarının keçirdikləri əməliyyat nəticəsində 3 oktyabr tarixində Kənan İbrahimov (şərti) saxlanılıb. Məlum olub ki, o, 30 litr pivəni içdikdən sonra çəlləyi Dərnəgül ərazisində tanımadığı şəxsə metal kimi 20 manata satıb.
İbrahimov İnzibati Xətalar Məcəlləsinin “Xırda talama” maddəsi ilə təqsirli bilinib və 2 ay müddətinə inzibati həbs edilib.
